مع أطفالنا في مخيم "موريا الأول" 2022 راح نبني مجسم فني لخط باص "40" لمدينة الخليل 1945م بالضبط سنة 1945 طلبت بلدية الخليل من بلدية يافا تزيد عدد المواقف الخاصة بالباصات اللي كانت تطلع من الخليل لهناك عشان تنظيم حركة المواعيد والسفر، كمان الباصات كانت تمر من بيت جبرين والدوايمة وزكريا وكتير من القرى والبلدات الفلسطينية اللي دمرها الاحتلال سنة 1948م. بعد الحرب مش بس انقطعت الطريق ليافا، كمان الشوارع اللي كان يمر الباص فيها تسكرت لما الاحتلال الإسرائيلي استوطن البلدة القديمة سنة 1967 وعزلها عن المدينة، كمان في بيوت ومواقع مهمة كان يوقف عندها الباص، اليوم تغيرت ملامحها أو انهدمت أو ضاعت ذكرياتها، لهيك لازم نحافظ على ذاكرتنا ونرجعها لحتى ما ننسى وتضيع ملامح المكان، مع بعض راح نرافق باص 40 اللي كان يطلع من باب درج الحرم الابراهيمي ويمرق من: محطة الباصات/ النادي الثقافي/ دار الحلواني/مستشفى مار لوقا/ دار طهبوب/ مدرسة ابن رشد/ عمارة تيجرت/ كراج سلهب/ حاكورة الكيال. كتير أماكن وذكريات وقصص بتستحق نشاركها مع أطفالنا ونحكي كتير عن ذكرياتنا وحكايا البلد/ كونوا ع الموعد.
